ក្នុង Episode 213: របស់ The Kanitha Show បាននិយាយរៀបរាប់អំពីវិស័យដែលប្រទេសកម្ពុជាគួរតែផ្តោតលើ។ ប្រទេសកម្ពុជាគួរតែឈ្នះខាងវិស័យកសិកម្មប្រទេសនិមួយៗនៅលេីពិភពលោកមានការប្រកួតប្រជែងគ្នាយ៉ាងស្វិតស្វាញដេីម្បីបានឈ្នះខាងវិស័យអ្វីមួយ
តាមមតិរបស់ខ្ញុំប្រទេសកម្ពុជាគួរតែប្រកួតខាងវិស័យកសិកម្មខ្លាំងជាងគេព្រោះប្រទេសកម្ពុជាមានអំណោយផលពីធម្មជាតិខាងវិស័យនេះ
ខ្ញុំមានយោបល់ខ្លះៗដែលអាចជួយដល់ប្រទេសកម្ពុជាអាចបានឈ្នះខាងវិស័យកសិកម្ម។
ខ្ញុំបានចូលរួមបញ្ចេញមតិដូចខាងក្រោម៖
សង្ឃឹមថាវិស័យកសិកម្មនៅកម្ពុជានឹងរីកចម្រើននៅថ្ងៃខាងមុខ។ ខ្ញុំកំពុងតែធ្វើចំការទុរេនដោយសង្ឃឹមថាមានទីផ្សារនាំចេញទៅក្រៅប្រទេស។ បញ្ហាទុរេននៅកម្ពុជាគឺបច្ចេកទេស ទីផ្សារ និងទុរេននាំចូល។ ចំណេះដឹងរបស់ខ្ញុំជាកសិករនៅមានកម្រិតហើយមិនដឹងទៅរកជំនួយខាងណាទេ? មានតែអ្នកលក់ជីនិងថ្នាំកសិកម្មណែនាំដល់ខ្ញុំហើយយកមកអនុវត្តន៍ទាំងប្រថុយប្រថាន។ ខ្ញុំធ្លាប់ខាតប្រាក់ជិត ១០០០០$ ដោយសារតែខ្វះបច្ចេកទេសនិងអនុវត្តតាមអ្នកលក់ជី។ ដោយសារតែទុរេននាំចូលច្រើនសើលលប់ធ្វើឲ្យទុរេនខ្មែរពិបាកលក់និងលក់បានតម្លៃថោក។ ក្នុងនាមខ្ញុំជាកសិករម្នាក់ ខ្ញុំចង់ឃើញក្រសួងកសិកម្មជួយដល់ពួកខ្ញុំដូចខាងក្រោម៖
១. ណែនាំដល់កសិករដាំដំណាំតាមតំបន់កុំឲ្យដាំដំណាំដូចគ្នាច្រើនជាងតម្រូវការទីផ្សារ
២. ជួយរៀបចំឲ្យមានការបញ្ជាក់អត្តសញ្ញាណទុរេនដើម្បីកាត់បន្ថយទុរេនបន្លំ។
៣. ជួយបង្ហាញទិន្នន័យច្បាស់លាស់ពីដំណាំទុរេន គ្រប់ខេត្តក្រុង ដើម្បីឲ្យកសិករដឹងនិងសម្រេចចិត្តធ្វើចំការ
៤. ជួយបង្រៀនបច្ចេកទេសដាំដុះទុរេនឲ្យត្រឹមត្រូវ
...
ខ្ញុំត្រៀមខ្លួនជាស្រេចដើម្បីចូលរួមធ្វើឲ្យវិស័យកសិកម្មរីកចម្រើននៅកម្ពុជា។
ប្រភព៖ https://www.facebook.com/thekanithashow/videos/2023361981147840/
